1- مره واحد قال لأبوه بابا عاوز اكمل دراستي بره قاله قول لأمك تفرشلك في الحوش
2- مرة اتنين كانوا ماشيين طلع عليهم اسد راح واحد رمى عليه طوبة و قعد يجرى و بص وراه لقى زميله واقف ما بيجريش ليه ؟ قاله واجرى ليه هو انا اللى ضربته
3- مرة تلميذ بيسال الاستاذ بيقول له : هو ممكن يعاقب الانسان على حاجة معملهاش ؟ قاله له : لا طبعا ، ففرح التلميذ اوى و قاله له خلاص انا معملتش الواجب
4- مره واحد سأل ممته هتسمي اختي ايه قالتله اسماء قالها وسمتيني انا اسم واحد بس ليه
5- واحد بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية
6- ايه الفرق بين الاسبوع وموس الحلاقة والصحراء؟؟؟ الاسبوع فيه حد ، والموس فيه حدين ، والصحراء ما فيهاش حد
7- واحد راح للدكتور بيقولو يا دكتور انا عندى صداع ، قالو بتنام والشباك مفتوح ولا مقفول ؟ طيب افتحه قبل متنام وتعالى بعد يومين ، جاله بعد يومين ، قاله الدكتور الصداع راح قاله الصداع راح والتلاجه راحت والتليفزيون راح و ....
8- واحد واقف على الكوبري بيقول ,36,36,36,36 راح واحد سأله ايه حكاية ال36دي؟ قاله تعالى أوريك قام رماه من فوق الكوبري ..وقال 37,37,37,37
9- اثنين ساكنين في خيمة ونايمين على ظهورهم بالليل.. بص الأول للسما وقال للثاني شايف ايه ؟ قال اشوف نجوم كثيرة.... قال وده يدل على ايه ة ؟ قال الثاني : ان فيه مجرات وكواكب غيرنا في الكون ده . قال الأول ده يدل ان سقف خيمتنا انسرق
10- واحد ومراته متخانقين فبطلوا يكلموا بعض فكتب ورقة صحيني الساعه 6:30 علشان عندي شغل ، وحط الورق على السرير ونام صحي الساعة 10:00 فلقى ورقه مكتوب عليها الساعه 6:30 يلا إصحى